Daniel Wellington ապրանքանիշը պատահական հանդիպման արդյունք է: Բրենդի հիմնադիրը՝ Ֆիլիպ Տիսանդերը, ճանապարհորդելիս հանդիպում է խորհրդավոր, բայց միևնույն ժամանակ նաև բավականին հետաքրքիր և տարբերվող ոճով անգլիացի երիտասարդի: Այս երիտասարդը հատկապես սիրում էր կրել իր վինտաժային ժամացույցները՝ ՆԱՏՕ-ի հին, մաշված գոտիներով: Ո՞վ էր այդ երիտասարդը, դե իհարկե Դենիել Ուելինգթոնը:

Ոգեշնչվելով իր նոր ծանոթի՝ ժամանակին չենթարկվող ոճից, Ֆիլիպը որոշեց ստեղծել ժամացույցների իր ապրանքանիշը: Մինիմալիստական լուծումներով և շքեղ դասական դիզայնով գոտիները, որոնք բավականին սիրված են, դարձել են ապրանքանիշի ամենասիրված մոդելները: Նույնիսկ տարիներ անց, այս դիզայնը դեռ անբաժանելի մասն է համարվում այն բանի, ինչն այդքան սիրելի է դարձնում Daniel Wellington-ը: Daniel Wellington-ի ոճը կսիրեն բոլոր այն մարդիկ, ովքեր նախընտրում են անմահական, դասական ոճը:

Daniel Wellington-ի կաշվե գոտիները պատրաստված են իտալական, բնական կաշվից և հասանելի են սևի ու շագանակագույնի էլեգանտ երանգներով՝ արծաթի և վարդագույն ոսկու պատվածքներով:

Daniel Wellington ապրանքանիշի ժամացույցների մեխանիզմի համար գործում է 2 տարվա երաշխիք, իսկ ժամացույցների մարտկոցների համար՝ 3ամիս։ Երաշխիքը չի գործում արտաքին վնասվածքների դեպքում։