Շնորհակալություն մեզ ընտրելու և գնումներ կատարելու համար։ Այսուհետ TI’ME Club կուտակային քարտի շնորհիվ մեր բոլոր հաճախորդները հնարավորություն կստանան կուտակել միավորներ G-Shock, PANDORA, TI’ME խանութ-սրահներից և time.am կայքից կատարված գնումներից։

Քարտերի տրամադրում և միավորների կուտակում

  • 2020թ.-ի հունիսի 1-ից սկսած վերոնշյալ խանութ-սրահներից կամ կայքից ցանկացած արժեքի գնում կատարելիս, հաճախորդին կտրամադրվի իր կատարած գնման արժեքի 5%-ին համարժեք միավորներ կուտակելու հնարավորությամբ TI՛ME Club կուտակային քարտ։ Կուտակումը կիրականացվի հաջորդ գնումից սկսած։

  • 300,000 (երեք հարյուր հազար) ՀՀ դրամի շեմը գերազանցելուց հետո քարտապանի TI՛ME Club քարտը հետագա գնումներից կկուտակի կատարած գնման արժեքի 10%-ին համարժեք միավորներ:

  • 1,000,000 (մեկ միլիոն) ՀՀ դրամի շեմը գերազանցելուց հետո քարտապանի TI՛ME Club քարտը հետագա գնումներից կկուտակի կատարած գնման արժեքի 15%-ին համարժեք միավորներ:

  • Քարտապանի առաջին գնման գումարը նույնպես կգումարվի կատարած գնումների ընդհանուր արժեքին՝ TI՛ME Club քարտի հաջորդ տոկոսային շեմին հասնելու համար:

  • TI՛ME Club քարտը կուտակում է միավորներ քարտապանի կողմից կանխիկ, անկանխիկ և/կամ նվեր-քարտով գնում կատարելիս։

  • TI՛ME Club քարտը չի կուտակում միավորներ զեղչված մոդել կամ նվեր-քարտ գնելիս, սակայն այդ գնման գումարը նույնպես կգումարվի քարտապանի գնումների ընդհանուր արժեքին՝ TI՛ME Club քարտի հաջորդ տոկոսային շեմին հասնելու համար:

  • TI՛ME Club քարտը  չի կուտակում միավորներ ապառիկ գնում կատարելիս, սակայն տվյալ գնման արժեքը գումարվում է քարտապանի կատարած գնումների ընդհանուր արժեքին՝ TI՛ME Club քարտի հաջորդ տոկոսային շեմին հասնելու համար:

TI՛ME Club քարտ ստանալիս հաճախորդը պետք է տրամադրի անձնական տվյալներ՝  անուն, ազգանուն, հեռախոսահամար։ Քարտը ստանալուն պես, հաճախորդի հեռախոսահամարին կուղարկվի ակտիվացման կոդ։ Քարտերից յուրաքանչյուրի վրա պատկերված QR կոդը հնարավորություն կտա հատուկ ներբեռնված հավելվածի միջոցով քարտն օգտագործել նաև առցանց։


Միավորների օգտագործում

TI՛ME Club կուտակային քարտում կուտակված միավորները կարող են օգտագործվել G-Shock, PANDORA և TI’ME բոլոր խանութ-սրահներում, ինչպես նաև time.am կայքում հետևյալ պայմաններով՝

  • TI՛ME Club քարտում կուտակված միավորներով քարտապանը կարող է վճարել իր գնման արժեքի 100%-ը։

  • TI՛ME Club քարտում կուտակված միավորներով քարտապանը կարող է գնել զեղչված մոդել:

  • Եթե քարտապանը գնում կատարելիս ապրանքի արժեքի մի մասը վճարում է կուտակային քարտով, իսկ տարբերությունը կանխիկ/անկանխիկ և/կամ նվեր-քարտով, ապա միավորներ կուտակվում են միայն կանխիկ/անկանխիկ, նվեր-քարտով վճարումից:

  •  Կուտակված միավորներով գնում կատարելիս նոր միավորների կուտակում տեղի չի ունենում։

  • TI՛ME Club քարտում կուտակված միավորներով հնարավոր չէ գնել նվեր-քարտ։

  • TI՛ME Club քարտում կուտակված միավորները հնարավոր չէ կանխիկացնել։

  • TI՛ME Club քարտում կուտակված միավորները հնարավոր չէ փոխանցել այլ քարտապանի։

  • Վերադարձ կատարելու դեպքում քարտապանից հետ կգանձվեն տվյալ գնումից կուտակված միավորները (եթե քարտապանն արդեն օգտագործել է միավորները, ապա տարբերությունը կգանձվի վերադարձվող գումարից)։

  • TI՛ME Club քարտում կուտակված միավորների սպառման ժամկետը 720 օր է։

 

   Օնլայն կուտակում

TI՛ME Club կուտակային քարտերը հնարավորություն կտան միավորներ կուտակել ոչ միայն խանութ-սրահներից, այլև time.am կայքից կատարված գնումներից։ Օնլայն գնման դեպքում միավորների կուտակման գլխավոր նախապայմանը քարտին կցված և գրանցված պատվերի հեռախոսահամարների համընկնումն է (քարտապանը քարտը ստանալիս և օնլայն պատվեր գրանցելիս պետք է տրամադրի միևնույն հեռախոսահամարը, այլապես կուտակում չի կարող իրականացվել)։ Կուտակային քարտի հաշվեկշիռը ստուգելու համար, քարտապանը պետք է գրանցվի time.am կայքում և մուտք գործի Անձնական Կաբինետի «Իմ Տվյալները» ենթաբաժին։

*TI՛ME Club կուտակային քարտը հանդիսանում է «Թայմլես» ՍՊԸ-ի սեփականություն։ Քարտը կորցնելու կամ գտնելու դեպքում խնդրում ենք, այն վերադարձնել TI’ME խանութ-սրահներից որևէ մեկ, կամ զանգահարել +374 11 848484։