Ծառայություններ

Զարդերի քարերի տեղադրում:
Սպասարկման կենտրոնում առկա են միայն թափանցիկ, կլոր քարեր՝ 1-4մմ չափսի: Քարերը տեղադրվում են հատուկ սոսինձով՝ քարի բնական փայլը չկորցնելու համար: Քարերի տեղադրման համար օգտագործվում են միայն պրոֆեսիոնալ ոսկերչական-զարդագործական գործիքներ ու սարքեր: Տևողությունը՝ 10-15 րոպե: Ծառայությունն անվճար է:
Մեխանիզմի չորացում
Ժամացույցի և դրա մեխանիզմի չորացումը կատարվում է շվեյցարական Bergeon ապրանքանիշի հատուկ սարքավորման միջոցով: Տաք օդի միջոցով չորացվում է ամբողջ մեխանիզմը, մաքրվում է թվատախտակը՝ սլաքների և թվացուցիչների հետ միասին: Այնուհետև կատարվում է ջրակայունության թեստ, որը չանցնելու դեպքում փոխվում է հետին կաղապարի ռետինե օղակը՝ ժամացույցը բերելով գործարանային հերմետիկության: Ծառայության արժեքը՝ 2000 դրամ, տևողությունը 1 աշխատանքային օր:
Թվատախտակի վերանորոգում
Ժամային ցուցիչներն ամրացվում են թվատախտակին հատուկ ցեմենտային սոսինձով, որը չի թողնում ավելորդ, տգեղ հետքեր և որի շնորհիվ պահպանվում է թվատախտակի կոկիկ և գործարանային տեսքը: Աշխատանքը կատարվում է բարակ ռետինե ձեռնոցներով՝ մատնահետքերից խուսափելու համար: Գործընթացի տևողությունը 10-15 րոպե է՝ բացառությամբ որոշ մոդելների, որոնց դեպքում այն կարող է տևել 1-2 աշխատանքային օր: Ծառայությունն անվճար է:
Ապակու փոխարինում:
Ժամացույցների ապակու փոխարինման գործընթացն իրականացվում է միայն TI'ME խանութ-սրահներից գնված ժամացույցների դեպքում։ Մոդելի ապակին պետք է լինի նախապես պատվիրված։ Ապակին փոխարինելիս մեխանիզմը դուրս է բերվում պատյանից, կոտրված ապակին զգուշությամբ հեռացվում է, այնուհետև կատարվում փոշեհատիկների և ապակու հատիկների մաքրում, որից հետո հատուկ վակուումային եղանակով տեղադրվում է նոր ապակին՝ ջրակայունության հետ կապված խնդիրներից խուսափելու համար: Ապակու տեղադրումից հետո կատարվում է ջրակայունության թեստ՝ համոզվելու համար, որ ժամացույցը պահպանել է գործարանային հերմետիկությունը: Այս ծառայության տևողությունը 1-2 աշխատանքային օր է, արժեքը՝ 4000 դրամ: Ապակու գինը ներառված չէ։
Մարտկոցի փոխարինում:
Մարտկոցի փոխարինումը կատարվում է հատուկ վակուումային եղանակով: Յուրաքանչյուր ժամացույց ունի ջրակայունության որոշակի աստիճան։ Մարտկոցը փոխելիս բացվում է ժամացույցի հետին կափարիչը, որը փակելիս անհրաժեշտ է ապահովել գործարանային, նախնական հերմետիկություն: Մեզ մոտ մարտկուցի փոփոխումն իրականացվում է հատուկ սարքի միջոցով, որի շնորհիվ գործընթացի ավարտից հետո ջրակայունության խնդիր չի առաջանում: Բարձորակ սարքավորումների օգտագործումը պաշտպանում է ժամացույցը արտաքին վնասվածքներից։ Օգտագործվում են միայն որակյալ մարտկոցներ՝ ճապոնական Sony, Maxwell և/կամ շվեյցարական Renata ապրանքանիշերի: Տևողությունը 3-5 րոպե, ծառայության արժեքը բոլոր տեսակի ժամացույցների համար նույնն է՝ 2000 դրամ:
Ժամացույցի կաշվե գոտու փոխարինում:
Կաշվե գոտիների փոխարինումն արագ ու պարզ գործընթաց է։ Գոտին փոխարինելիս, հաճախորդի ցանկության դեպքում, հնարավոր է փոխել նաև փականը, եթե չափսերը համընկնում են։ Գործընթացի տևողությունը 3-5 րոպե է, ծառայություն՝ անվճար։
ժամացույցի շղթայի կարճեցում
Ժամացույցի շղթայի կարճացումն իրականացվում է շվեյցարական Bergeon ապրանքատեսակի սարքավորման միջոցով, որն ապահովում է անվնաս կարճացում։ Գործընթացը կատարվում է տեղում՝ 2-3 րոպեների ընթացքում, բարդ կառուցված ունեցող շղթաների դեպքում մինչև 10րոպե։ Ծառայությունն անվճար է: