Երբևէ մտածե՞լ եք, թե ինչու են ոմանք հասնում իրենց նպատակներին և ցանկություններին, իսկ ոմանք՝ ոչ։ Պատճառն, իհարկե, այն չէ, որ այդ մարդիկ ավելի տաղանդավոր կամ խելացի են, նրանք պարզապես ավելի նպատակասլաց և դիմացկուն են։ Իրականում, եթե փոքր-ինչ ավելի շատ մտածեք այս հարցի շուրջ, կհասկանաք, որ երբեմն այդ դիմացկունությունն ու նպատակասլացությունն ավելի կարևոր դեր են խաղում նպատակների իրագործման հարցում, քան տաղանդը։

Հենց այդ դիմացկունությունն է, որ ընկած է աշխարհի ամենադիմացկուն ժամացույցի ստեղծման հիմքում։
Casio G-Shock ժամացույցները տարիներ շարունակ համարվում են դիմացկունության և ամրության հոմանիշներ։
1980ական թվականների սկզբին ճապոնացի ինժիներ Կիկուո Իբեն, որոշեց ստեղծել ամուր և դիմացկուն ժամացույց այն բանից հետո, երբ պատահմամբ կոտրեց իր հայրիկից ժառանգած գրպանի ժամացույցը։ Մոտ 200 ձեռագործ ժամացույց ստեղծելուց, թեստավորելուց և կոտրելուց հետո, 1983թ․-ին նրան վերջապես հաջողվեց ստեղծել առաջին G-Shock ժամացույցը։ Ժամացույցները շատ արագ տարածվեցին և դարձան սիրված։

G-Shock հավաքածուի առաջին սերիայի ժամացույցները ունեին 7 հիմնական հատկանիշ՝ էլեկտրական հարվածադիմացկունություն, ձգողականության դիմացկունություն, ջերմադիմացկունություն, ցնցման դիմացկունություն, ջրադիմացկունություն, հարվածադիմացկունություն և պատյանի ամրություն։ Մինչ օրս էլ, G-Shock ժամացույցները ստեղծելիս, Casio ընկերությունն առաջնորդվում է Կիկուո Իբեի կարգախով՝ «երբեք, երբեք չհանձնվել»։

Ժամանակի ընթացքում ադապտացվելով, G-Shock ժամացույցները սովորել են գոյատևել ցանկացած պայմաններում՝ օդում, ցամաքում, ջրում։

Հիմա դու պատրաստ ես ամեն ինչի

G-Shock-ի հեղափոխական Gravitymaster հավաքածուի ժամացույցները ստեղծված են ապրելու երկնքի և երկրի միջև։ Հավաքածուն ստեղծվել և նախագծվել է բրիտական օդային ուժերի և Casio-ի համագործակցության արդյունքում։ Նպատակը՝ դիմակայել այն ծայրահեղ եղանակային պայմաններին, որոնց հանդիպում են օդաչուները: Սահմանափակ թողարկման ժամացույցները առանձնանում են ավիացիոն դիզայնով և հարմարավետությամբ (ֆունկցիոնալության 3 կոճակները գտնվում են ժամացույցի աջ հատվածում՝ հեշտացնելու համար ժամացույցի օգտագործումը)։

G-Shock-ի հետ բոլոր դժվարությունները հաղթահարելի են

Պատրաստված կարբոնի և ռեզինի համադրությամբ՝ MUDMASTER հավաքածուի ժամացույցները ստեղծված և գծագրված են եղանակային ծանր պայմաններին դիմակայելու համար։ Հավաքածուի ժամացույցների կմախքը պատրաստված է կարծր, դիմացկուն կարբոնից, որը պաշտպանում է ժամացույցը արտաքին վնասվածքներից և դեֆորմացիաներից, իսկ պատյանում տեղադրված ֆիլտրը պաշտպանում է մեխանիզմը փոշուց և ցեխից։

Frogman՝ հարվածադիմացկուն ժամացույց սուզորդների համար

Frogman հավաքածուի ժամացույցները առաջին անալոգային ժամացույցներն են՝ 200մ ջրակայունության հնարավորությամբ։ Ստանալով թվատախտակի ասիմետրիկ դիզայն, որը սերիայի ժամացույցների «ֆիրմային» դիզայնն է 1993թ․-ից, Frogman ժամացույցները ցույց են տալիս տեղային, երկակի ժամանակ, հավաքագրում են սուզման և ջրի տակ անցկացման ժամանակի տվյալներ և ներկայացնում դրանք անալոգային ֆորմատով։ Կարբոնից պատրաստված կմախքի շնորհիվ, ժամացույցն ունի 200մ ջրակայունության մակարդակ։ Ֆունկցիոնալության տեսանկյունից ժամացույցի առանձնահատկությունն այն է, որ այն օժտված է մոդուլով, որը հնարավորություն է տալիս ունենալ մշտապես ակտիվ Bluetooth միացում, այնպես որ մնացած բոլոր ֆունկցիաները կարող են կառավարվել հեռախոսից, այլ ոչ հենց ժամացույցից։

Տարիներ շարունակ G-Shock ժամացույցները ապացուցել են աշխարհին իրենց ամրությունն ու դիմացկունությունը։ G-Shock-ի հետ դու կարող ես դիմակայել եղանակային ցանկացած պայմանների։

Եղի՛ր հաղթող՝ օդում, ջրում, ցամաքում։