Աքսեսուարները, ինչպես հագուստը կարող են շատ բան ասել Ձեր մասին, իսկ ճիշտ ընտրված աքսեսուարը կարող է ընդգծել Ձեր անհատականությունը և դառնալ, այսպես կոչված, ինքնաարտահայտման միջոց։

Յուրաքանչյուր սեզոն իր հետ բերում է նոր ոճ և թելադրում իր թրենդները, այնպես որ Ձեզ ենք ներկայացնում 2021-ի աշնան ժամացույցների և զարդերի ամենավառ թրենդները

Ժամացույցներ

Չնայած այն փաստին, որ իրենց ստեղծման նախնական ժամանակաշրջանում ժամացույցներն օգտագործվում էին միայն որպես ժամանակին հետևելու միջոց, այժմ ժանացույցներն ունեն ավելի ոճային բնույթ և կարող են օգնել Ձեզ թողնել իսկական «woow» տպավորություն։ Աշխարհահռչակ այնպիսի նորձևության տներ, ինպիսին են Gucci, Michael Kors և Tommy Hilfiger պնդում են, որ առանց աքսեսուարի ոչ մի ոճային կերպար ամբողջական չէ։ Ինչպես և ամռանը, աշնանը նույպես ոսկու և վարդագույն ոսկու պատվածքով ժամացույցները կլինեն բավականին թրենդային՝ ինչպես չժանգոտվող պողպատե այնպես էլ կաշվե գոտիներով։

Եթե գոնե փոքր-ինչ հետևել եք 2021-ի ամռան թրենդներին, ապա հավանաբար տեղյակ եք, որ կանաչը, վարդագույնը, մանուշակագույնը և ինդիգո կամ դենիմ կապույտը ամռան ամենավառ գույներն էին, որոնք կշարունակեն մնալ թրենդի մեջ նաև աշնանը։ Կրելով վերոնշյալ գույներով թվատախտակ ունեցող ցամացույցներ, դուք կլինեք թրենդային և, իհարկե, կգրավեք շատերի ուշադրությունը։
Ինչ վերաբերում է տղամարդկանց ժամացույցներին, իհարկե, խորհուրդ է տրվում կրել Շվեյցարական արտադրության ժամացույցներ՝ ավելի շքեղ և սոլիդ կերպար ստանալու համար։ Դասական ոճը նախընտրողները կարող են ընտրել կաշվե գոտիով և ինդեքսային ցուցիչներով կամ հեշտ ընթեռնելի (Easy Reader) թվատախտակներով ժամացույցներ, իսկ առօրյա, թեթև ոճի սիրահարների համար խրոնոգրաֆ գործառույով ժամացույներն ուղղակի իդեալական տարբերակ են։

Զարդեր

Խառնի՛ր և համադրի՛ր (Mix and Match)- այս ամռան ամենատարածված թրենդը ակտուալ կլինի նաև աշնանը։ Թրենդի ամենավառ դրսևորումը տարատաեսակ պատվածքներով վզնոցների համադրումն է այլ, թանկարժեք և կիսաթանկարժեք քարերով զարդարված կամ կախազարդերով վզնոցների հետ։ Նմանատիպ վզնոցները կարող եք կրել նաև առանձին, սակայն բոլորը միասին դրանք պարզապես հիասքանչ տեսք կունենան։ Մի՛ վախեցեք փորձարկումներից, եղե՛ք խիզախ և կրե՛ք Ձեր բոլոր սիրելի վզնոցները միանգամից․ երկու, երեք և նույնիսկ չորս վզնոցներ համադրելն անգամ չափազանց թրենդային է։

Զարդագործական աշխարհի խոշոր ներկայացուցիչները՝ Ti Sento, Pandora, խորհուրդ են տալիս ոչ միայն համադրել տարատեսակ վզնոցներ, այլև միաժամանակ կրել մի քանի թևնոց կամ մատանի ևս։

Բոլոր մինիմալիստական ոճը նախընտրողներին, նորաձևության աշխարհը խորհուրդ է տալիս կրել փոքրիկ դետալներով՝ մարգարիտներով, գունեղ էմալով, միատոն քարով կամ բյուրեղով զարդեր:

Աշնան թրենդներից դուրս չեն մնա, արդեն իսկ սիրված և լայն տարածում ստացած, կենդանիների տեսքով զարդերը։

Զարդերը տղամարդկանց շրջանում բավականին մեծ պահանջարկ ունեին դեռևս rock-n-roll-ի ժամանակաշրջանում՝ 80 և 90 ականներին։ Շնորհիվ այնպիսի հոլիվուդյան աստղերի, ինչպիսիք են Հարրի Սթայլսը և Շոն Մենդեսը, զարդերը կրկին դարձել են ոճային տղամարդու կերպարի անբաժանելի մասը։ Աշխարհահռչակ բրենդներից Tommy Hilfiger-ը և Fossil-ը իրենց այս տարվա հավաքածուներում առանձնահատուկ տեղ են հատկացրել հատկապես տղամարդկանց թևնոցներին։ Առավել ակտուալ են պարզ մետաղական ու կաշվե թևնոցները, իսկ կրելով երկուսը միասին Դուք թարմ և թրենդային շունչ կհաղորդեք Ձեր կերպարին։

Ահա և վերջ, այսքանն է նախապատրաստել մեզ համար նորաձևության աշխարհը այս աշնան համար, և եթե Դուք դեռ չեք հասցրել ձեռք բերել վերը թվարկված թրենդներին համապատասխան աքսեսուարներ, ապա հիմա սկսելու ճիշտ ժամանակն է։ Պատրաստվե՛ք աշնանը, եղե՛ք թրենդային։