Շնորհակալություն մեր կայք այցելելու և գնումներ կատարելու համար։ TI’ME, G-Shock, PANDORA խանութ-սրահներից, ինչպես նաև time.am կայքից գնված զարդերի և ժամացույցների համար գործող երաշիքային պայմաններին կարող եք ծանոթանալ ստորև։

Ժամացույցների երաշխիք
Ժամացույցների համար գործող երաշիքը վերաբերում է ժամացույցների մեխանիզմին և մարտկոցին ու չի տրամադրվում՝

  • Բնական մաշվածության հետևանքով առաջացած խոտանների դեպքում

  • Ժամացույցի պատյանին, ապակուն, գոտուն, տուփին, ժամացույցի հետ տրամադրված այլ աքսեսուարներին հասցված վնասվածքների դեպքում

  • Ջրային միջավայրում ժամացույցի սխալ օգտագործման հետևանքով առաջացած վնասվածքների դեպքում

  • Ժամացույցի պտուտակի վնասվելու, կոտրվելու, պոկվելու և այլ վնասվածքների դեպքում

  • Ապակուն հասցված ցանկացած վնասվածքի դեպքում

  • Չլիցենզավորված մարտկոցների օգտագործման հետևանքով առաջացած խոտանների դեպքում

  • «Թայմլես» ՍՊԸ –ի ժամագործից բացի այլ ժամագործների  միջամտության հետևանքով առաջացած խոտանների  դեպքում

  • Ժամացույցի պատյանի կամ շղթայի, գոտու ոչ պատշաճ օգտագործման հետևանքով առաջացած վնասվածքների դեպքում


«Թայմլես» ՍՊԸ ընկերությունից գնված ժամացույցների մարտկոցների համար գործում է 3 ամիս երաշխիքային ժամկետ, իսկ մեխանիզմի համար՝ 2 տարի։ Երաշխիքային սպասարկման ժամկետում գտնվող ժամացույցների մարտկոցների փոխարինումն իրականցվում է «Թայմլես» ՍՊԸ –ի ժամագործի կողմից։ Ծառայությունն անվճար է։ Մեխանիզմի վնասման դեպքում, այն ամբողջովին ենթակա է փոխարինման, եթե վնասված մասերի փոխարինումը նորով հնարավոր չէ։ Երաշխիքային ծառայություններից օգտվելու համար, անհրաժեշտ է մոտենալ Հյուսիսային պողոտա 5 հասցեում գտնվող TI’ME խանութ-սրահի սպասարկման կենտրոն և ներկայացնել երաշխիքային կտրոն։

Ժամացույցների խնամք

  • Ժամացույցի ջրակայունության ստուգման նպատակով, անհրաժեշտ է տարին մեկ անգամ այցելել լիցենզավորված սպասարկման կենտրոն

  •  Նախքան ժամացույցը կրելը, պետք է համոզվել, որ ժամացույցի պտուտակը գտնվում է զրոյական, փակ վիճակում

  • Ժամացույցի չի կարելի կրել աղաջրում կամ քլորաջրում, տաք և սառը լոգանք ընդունելիս, ինչպես նաև արևային լոգանք ընդունելիս (հատկապես գունապատված մոդելները)

  • Ժամացույցը չի կարելի ենթարկել ջերմաստիճանային կտրուկ տատանումների

  • Ժամացույցը չի կարելի ենթարկել մագնիսական դաշտերի ազդեցության


 Մարտկոցներ

TI’ME, G-Shock խանութ-սրահներից և time.am կայքից գնված ժամացույցների մարտկոցների համար գործում է 3 ամսվա երաշխիք, սակայն մարկոցը կարող է աշխատել մինչև 5 տարի՝ կախված մարտկոցի տեսակից և ժամացույցում առկա ֆունկցիաների օգտագործումից։ Եթե ժամացույցի վայրկենասլաքը թարթում կամ տատանվում է 4 վայրկյանը մեկ, դա վկայում է մարկոցի խափանման մասին։ Նմանատիպ դեպքերում խորհուրդ է տրվում այցելել սպասարկման կենտրոն։

Կաշվե գոտի

Ժամացույցի կաշվո գոտին բարվոք վիճակում պահպանելու համար անհրաժեշտ է այն պահպանել՝   

  • Ջրից և խոնավությունից

  • Արևի ճառագայթների երկարատև ազդեցությունից

  • Յուղայնություն պարունակող նյութերից և կոսմետիկ միջոցներից

Վերոնշյալ ցուցումներին չհետևելու և գոտին վնասելու դեպքում, երաշխիք չի գործում։


 Տեխնիկական զննում

Ժամացույցի ամբողջական տեխնիկական զննում խորհուրդ է տրվում անցկացնել 3-5 տարին մեկ, սակայն զննման հաճախականությունը մեծամասամբ կախված է ժամացույցի մոդելից և խնամքից։

Զարդերի խնամք

TI’ME, G-Shock, PANDORA խանութ-սրահներից և time.am կայքից գնված զարդերի համար երաշխիք չի գործում։ Զարդերի արտադրական տեսքը պահպանելու համար, անհրաժեշտ է հետևել ներքոնշյալ ցուցումներին՝

  • Զարդերը կրելուց հետո, խորհուրդ է տրվում դրանք պահել զարդատուփի մեջ, իրարից անջատ՝ քերծվածքներից խուսափելու համար

  • Անհրաժեշտ է զարդերը պարբերաբար խնամել հատուկ զարդերի համար նախատեսված մաքրման միջոցներով և կտորներով

  • Անհրաժեշտ է հեռու պահել զարդերը ջրից, քիմիական նյութերից, օծանելիքից և կոսմետիկ միջոցներից

  • Խորհուրդ չի տրվում գունապատված զարդերը ենթարկել փայլեցման

  • Խորհուրդ չի տրվում զարդերը կրել արևային լոգանք ընդունելիս

  • Բնական քարերը՝ մարգարիտը, օպալը, սադաֆը խոնավություն վերցնելու հատկություն ունեն, հետևաբար խորհուրդ չի տրվում դրանք պահել այլ զարդերի հետ

  • Ճամփորդելիս, անհրաժեշտ է պահել զարդերը զարդատուփի մեջ

  • Խորհուրդ չի տրվում ուլտրաձայնային մաքրում կիրառել գունապատ և բնական քարերով զարդերի վրա