Սպորտային ժամացույց։ Լավագույն ջրակայուն սպորտային ժամացույցները։

Ամառային տաք և վառ եղանակը ստիպում է դուրս գալ հարմարավետության սահմաններից ու վարել ավելի ակտիվ կյանք։ Անմոռանալի ամառային օրեր ունենալու համար քեզ անհրաժեշտ են ծովափնյա հանգիստ, դայվինգ, սպորտ, արշավներ և այս ամենին ուղեկցող կատարյալ ժամացույց։

Թեև իրենց ֆուկցիոնալությամբ ժամացույցները ստեղծվել են ժամը ցույց տալու համար, այնուամենայնիվ տասնամյակների ընթացքում աքսեսուարի այս տեսակին ավելացել են մի շարք այլ կարևոր գործառույթներ։ Դրանց շարքում են նաև այնպիսի գործառույթներ, որոնք ժամացույցը դարձնում են սպորտային կյանքով ապրողների համար «must have» ատրիբուտ։

Ջրակայուն ժամացույցներ

Ի՞նչ է ժամացույցի ջրակայունությունը

Ջրասույզները, լողորդները կամ պարզապես ջուրը սիրող մարդիկ ժամացույց գնելիս պետք է ուշադրություն դարձնեն դրա ջրակայունության ցուցիչին, որը նշվում է հետևյալ միավորներից որևէ մեկով՝ bar, ATM կամ M (մետր)։ Որքան մեծ է այս ցուցիչը, այնքան բարձր է ժամացույցի ջրակայունությունը։

Պետք է նկատի ունենալ, որ միայն այն ժամացույցները, որոնք ունեն 10 bar/100M ջրակայունություն, կարելի է կրել լողալիս կամ ջրում սուզվելիս։

Լավագույն ջրակայուն ժամացույցները

Ամառային տապից խուսափելու առաջին և ամենատարածված տարբերակներից մեկը լողավազան կամ ծովափ այցելելն է։ Թվում է՝ սրանք այն վայրերն են, որտեղ ենթադրվում է, որ աքսեսուարներն ավելորդ են, սակայն ժամացույցների սիրահարներն այլ կարծիքի են՝ կրել սպորտային ձեռքի ժամացույց։ Ժամացույցներ արտադրող Citizen ճապոնական բրենդն այս հարցում առաջատարներից է։ Այն առաջարկում է այնպիսի սպորտային ժամացույցներ, որոնք բավարարում են պրոֆեսիոնալ լողով զբաղվողների և սուզորդների բոլոր պահանջները։

Citizen բրենդի ժամացույցների շարքը համալրում են թե՛ դասական, թե՛ ասիմետրիկ և հետաքրքիր ոճային լուծումներով մոդելներ։

Citizen-ն առաջարկում է գին – որակ հրաշալի հարաբերակցություն։ Համեմատաբար ավելի մատչելի գնով սպորտային ժամացույցի սիրահարները ձեռք են բերում ամուր և երկարակյաց աքսեսուար։

Բացառիկ անջրանցիկություն են ապահովում այն ժամացույցները, որոնց ջրակայունության ցուցիչը գերազանցում է անգամ 20 bar/ATM-ն։ Այդպիսի յուրահատուկ օրինակ է TI’ME խանութ–սրահներում և օնլայն՝ time.am-ում ներկայացված շվեյցարական Edox ապրանքանիշի 10242 TIN BUIN մոդելը։ Սապֆիրե ապակուց և տիտանից պատրաստված ժամացույցն ունի մինչև 100 bar/ATM ջրակայունության։

Արշավային ժամացույցներ

Սպորտային և ակտիվ կյանքի անբաժան մասերից են նաև արշավները։ Կլինեն դրանք ավելի թեթև և կարճ հեռավորության վրա, թե դեպի հեռավոր բարձրադիր լեռներ, Դուք դրանց պետք է պատրստվեք նախապես և մանրակրկիտ՝ բաց չթողնելով որևէ կարևոր դետալ։ Տաք հագուստ, սնունդ, ջուր և իհարկե արշավի ժամացույց։ Արշավների համար նախատեսված ժամացույցները ենթադրում են, որ դրանք պետք է լինեն ավելի ամուր, հարվածակայուն և մարտկոցն ունենա ավելի երկար կյանք։ Սրանք այն հիմնական հատկանիշներն են, որոնք կարելի է թվարկել։

Սպորտային և այս դեպքում նաև արշավային ժամացույցների մասին խոսելիս առաջին բրենդը, որը կարելի է մտաբերել G-Shock-ն է։ Ժամագործական ոլորտում այս բրենդն իսկական խաղի կանոններ թելադրող է։ G-Shock ժամացույցներից շատերն ունեն արևային մարտկոց, կարող են չափել արված քայլերի քանակը, հարվածակայուն են, ունեն վայրկյանաչափ և թվատախտակի լեդ լուսավորում։ Որոշ մոդելներ, որոնցից են նաև Master of G - Land շարքի ժամացույցները, կարող են նաև չափել օդի ճնշումը և ծովի մակարդակից բարձրությունը։

Սմարթ ժամացույց՝ արշավների համար

Արշավային ժամացույց գնելիս ընտրությունը մեծ է, հատկապես ժամանակակից աշխարհում, որտեղ վերջին տասնամյակում օրեցօր ավելի են շատանում սմարթ ժամացույցները։

Garmin ժամացույցներն առանձնանում են աքսեսուարների այս տեսակի շարքում՝ առաջարկելով այնպիսի բարդ ֆունկցիոնալ լուծումներ, որոնք բացօթյա արկածները դարձնում են նվազ վտանգավոր և առավել հաճելի ու ապահով։ Garmin ժամացույցների հիմնական առանձնահատկություններից մեկը նրանց բարձր ճշգրիտ GPS ֆունկցիոնալությունն է: Սա կարևոր հատկանիշ է արշավել սիրողների համար, ովքեր նախընտրում են բացահայտել իրենց համար անծանոթ վայերերը՝ լեռներն ու արահետները։ Garmin-ի GPS տեխնոլոգիան ապահովում է ճշգրիտ տեղանքի հետևում, ինչը թույլ է տալիս կրողներին վստահորեն հետևել նախապես որոշված ուղիներին։

Ավելորդ չի լինի նշել, որ մարտկոցի կյանքի տևողությամբ Garmin սմարթ ժամացույցները ևս անգերազանցելի են։ Սա հատկապես կարևոր է, երբ արշավականները հաճախ գնում են հեռավոր վայրեր, որտեղ լիցքավորման հարմարություններ չկան։

Դասական բարդ ժամացույցներ

Ավելի բարդ, սակայն դասական ոճի արշավային ժամացույցներ ընտրելիս փնտրտուքները Ձեզ կրկին կբերեն Citizen բրենդի աշխարհ։ Անգամ արտաքնապես բարդ տեսք ունեցող այս ժամացույցները պատրաստ են փոխարինել նույնիսկ սմարթ տարբերակներին։

Կանացի սպորտային ժամացույցներ

Սպորտային աշխարհի, ջրասույզների, արշավների մասին դասական պատկերացումներն առաջին հայացքից ունեն ավելի բրուտալ և տղամարդկային հատկանիշներ։ Սակայն դրանք թյուր են, իսկ սպորտային աշխարը՝ լի կանանցով և կանացի հատկանիշներով։ Սպրոտային ակտիվ կյանք վարել և միաժամանակ կանացիությունն ընդգծել հնարավոր է ավելի նուրբ սպորտային ժամացույցներով։

Վերդառնալով G-Shock բրենդին՝ կարելի է առանձնացնել սպորտային ժամացույցների այնպիսի մոդելներ, որոնք հնարավոր է համադրել թե՛ ամենօրյա հագուստի, թե՛ արշավական խիստ պայմանների և համազգեստի հետ։ Թեև այս մոդելները ներկայացվում են որպես կանացի և նուրբ, դրանք ֆունկցիոնալ առումով չեն զիջում նախորդներին։ Ստորև ներկայացված ժամացույցներից յուրաքանչյուրը հիանալի է ջրում սուզվելու, լեռներ բարձրանալու և հարվածներին դիմակայելու համար։