Մինիմալիստական ժամացույցները որպես լավագույն նվեր

Նվերներ տալը արվեստ է, և կատարյալ նվեր գտնելը երբեմն անհնարին խնդիր է թվում: Լինի դա ծննդյան, տարելիցի կամ որևէ այլ առիթի համար, Ձեր ընտրած նվերը պետք է լինի ոչ միայն կիրառելի, այլև իմաստալից: Արագընթաց աշխարհում, որտեղ միտումները գալիս և գնում են ակնթարթորեն, կա մեկ նվեր, որը երբեք դուրս չի գալիս նորաձևությունից՝ մինիմալիստական ժամացույցները: Այս նրբագեղ և էլեգանտ ժամացույցները ոչ միայն ծառայում են գործնական նպատակին, այլև էլեգանտության և զուսպ գեղեցկության արտահայտում են: Հաջորդիվ կգտնեք մինիմալիստական ժամացույցներին բնորոշ մի քանի հատկություններ, որոնք կօգնեն Ձեզ նվերի ընտրության հարցում։

Դատարկ թվատախտակով ժամացույցներ

Չնայած նրան, որ ժամացույցները պատմականորեն ստեղծված են ցուցիչների միջոցով ժամը մատնանշելու համար, այնուամենայնիվ իրենց էվոլուցիայի ընթացքում դրանք վերածվել են նաև գեղեցիկ ու ոճակերտ աքսեսուարների։ Մինիմալիզմի իսկական արտացոլում են դատարկ թվատախտակով ժամացույցները։ Որպես կանոն այս ժամագործական նմուշների վրա բացակայում են թվերը, գծանշումներն ու բոլոր տեսակի ցուցիչները։ Դրանք հիմնականում ունեն միայն ժամասլաքներ։ Այս ժամացույցները, շնորհիվ իրենց պարզ տեսքի, հիանալիորեն կարող են ինտեգրվել ցանկացած ոճային լուծման մեջ։

Բարդ դիզայնի և մինիմալիզմի համադրմամբ կանացի ժամացույցներ 

Անհնարինը՝ ակնհայտ։ Վերոնշյալ նկարագրությամբ ժամացույցները պատկերացնել բավականին բարդ է։ Թվում է, թե մինիմալիզմը ենթադրւմ է դիզայներական պարզագույն լուծումներ՝ ոչ վառ գույներ, հասարակ ուղղանկյուն, կլոր կամ քառանկյուն իրան, սակայն որոշ բրենդներ գնացել են ոչ ակնհայտ ճանապարհով։ 

Ասիմետրիկ իրանով ժամացույցներն ավելի ու ավելի հաճախ են սկսում արտադրվել տարբեր համաշխարհային բրենդների կողմից։ Յուրահատուկ գծերը որևէ կերպ հակասության մեջ չեն մտնում մինիմալիզմի պատկերացումների հետ։ Դատարկ, երբեմն շատ պարզ թվատախտակը, գույները, քարերի և այլ դետալների բացակայությունն ապահովում են ժամացույցի պարզությունը, իսկ ասիմետրիկ ձևն՝ ընդգծում ապրանքի յուրօրինակությունը։ Կարելի է նմանատիպ կանացի ժամացույցներ ընտրել «հաճոյախոսելու» և ընդգծելու իգական սեռի ներկայացուցիչների պարզ էլեգանտությունն ու բնավորության ոչ ստանդարտ շերտերը։

Նվազագույն գծանշմամբ բրենդային ժամացույցներ

Ժամացույցներ արտադրող մեծ և համաշխարհային հայտնիության բրենդները անընդհատ փորձում են ստեղծել այնպիսի արտադրանք, որը կլինի ֆունկցիոնալ առումով ավելի բարդ։ Դրան զուգահեռ, ինչպես և նորաձևության ոլորտում առհասարակ, աճում է մինիմալիստականի միտումը։ Այդ տենդենցին հետևելով էլ բրենդային ժամացույցների շարքերը համալրվում են առավելագույնս պարզ ու հասարակ մոդելներով։

Այս տեսակի ժամացույցների շարքին դասվելու համար պարտադիր չէ բոլոր ցուցիչների բացակայությունը։ Երբեմն թվատախտակին առկա են նաև գծանշումներ (index), որոնք կիրառելիության տեսանկյունից ժամացույցները դարձնում են ավելի հարմարավետ։

Կանացի փոքր ժամացույցներ

«Petite»՝ այսպես են հաճախ բրենդներն անվանում կանացի ժամացույցների այն տարբերակները, որոնք սովորականից ավելի փոքր չափերի են։ Երբեմն 15-20 միլիմետրը չգերազանցող իրանի լայնքով ժամացույցները մինիմալիզմի իդեալական ներկայացուցիչներ են։ Դրանց պարզ, սակայն ոչ պարզունակ, նրբությունն ընդգծելու համար կիրառվում են նաև մինիմալիզմին հատուկ մյուս բաղադրիչները՝ դատարկ կամ աննշան գծանշմամբ թվատախտակ, հանգիստ ու չճչացող գույներ։ Հատկապես կանայք, ովքեր համատեղում են գրասենյակային և առօրյա ոճերը, կգնահատեն նմանատիպ նվերը։ Սրանք ժամացույցների այն նմուշներն են, որոնք կձուլվեն յուրաքանչյուր հագուստի հետ։

Գադջեթներով հեղեղված աշխարհում մինիմալիստական ժամացույցներն առանձնանում են իրենց պարզությամբ ու էլեգանտությամբ։ Դրանք կատարյալ նվեր են ոչ միայն իրենց գեղեցկության, այլև կիրառեիության և երկարակեցության տեսանկյունից։ Նմանատիպ բրենդային ժամացույցներ նվիրելիս Դուք տալիս եք ավելին, քան պարզապես որևէ իր։ Դուք ցուցաբերում եք Ձեր շնորհակալությունն ու գնահատանքը հասցեատիրոջ նկատմամբ։ Այսպիսով, իդեալական նվերի ընտրության փնտրտուքներում նկատի ունեցեք ժամագործական աշխարհի այս յուրօրինակ նմուշները և Դուք չեք սխալվի։