Ինչպես ընտրել նվեր և ինչը կարևորել

Ինչպես ընտրել նվեր և ինչը կարևորել

Նվեր գնելը հաճելի, բայց միևնույն ժամանակ մի փոքր բարդ գործընթաց է։

Նվերի ընտրությունը պետք է լինի գիտակցված, քանի որ պետք է հաշվի առնել այն ստացողի նախասիրություններն ու ճաշակը, և նաև այն առիթը, որի համար այն նվիրում եք։ Ճիշտ ընտրված նվերն արտացոլում է Ձեր ուշադրութունն ու հարգանքը դիմացինի նկատմամբ։

Այս բլոգում կիսվելու ենք մի քանի օգտակար խորհուրդներով՝ նվերի ճիշտ ընտրություն կատարելու համար։

Նախասիրությունները կարևոր են

Նվեր ընտրելիս շատ կարևոր է այն ստացողի նախասիրություններն իմանալը։

Փորձեք հիշել՝ արդյոք տվյալ անձը երբևէ Ձեր ներկայությամբ բարձրաձայնել է նրա մասին, թե ինչ կցանկանար ունենալ, ինչ է պատրաստվում գնել իր համար կամ առհասարակ ինչ հոբբիներ ունի: Հաշվի առնելով նշված կետերը՝ դուք ոչ միայն նվերի ճիշտ ընտրություն կկատարեք, այլ նաև ցույց կտաք, թե որքան ուշադիր եք տվյալ անձի հանդեպ:

Օրինակ՝ եթե նա հետաքրքրված է նորաձևությամբ, կարող եք դիտարկել այնպիսի զարդեր, ինչպիսիք են վզնոցը, էլեգանտ ականջօղերը կամ նուրբ ապարանջանը:

Եթե ​​նա հետաքրքրվում է նորագույն տեխնոլոգիաներով, ապա սմարթ ժամացույցը հիանալի նվերի տարբերակ կարող է լինել։

Նվիրելիս գլխավորը նախասիրության հետ համապատասխանող նվեր ընտրելն է և դրական էմոցիաներ փոխանցելը։

Հաշվի առեք առիթը

Համապատասխանեցնել նվերը հատուկ առիթին ևս կարևոր է։ Եթե ​​դուք փնտրում եք շքեղ, բայց բովանդակալից նվեր հատուկ առիթի համար, ինչպիսին է օրինակ՝ հարսանյաց արարողությունը, ապա կարող եք դիտարկել ոսկյա զարդեր։ Հարսանիքների համար կարևոր է ընտրել նվեր, որը խորհրդանշական կլինի, իսկ ծննդյան համար կարող եք ընտրել անհատականացված նվեր, որը խոսում է ստացողի բնավորության մասին, օրինակ՝ հատուկ փորագրությամբ չարմ կամ ապարանջան։

Հաշվի առեք տարիքի համապատասխանությունը

Տարիքը ևս էական գործոն է նվեր ընտրելիս։ Ընտրեք այնպիսի նվերի տարբերակ, որը ըստ տարիքի կարտացոլի նրանց հետաքրքրություններն ու նախասիրությունները։

Ահա նվերների մի քանի տարբերակ ըստ տարիքային խմբերի․

Հասուն տարիքային խմբի համար

Այս տարիքային խմբի համար կառանձնացնենք ժամացույցներ, զարդեր (մատանի, ականջող, վզնոց, թևնոց), դրամապանակ, ժամացույցի տուփ կամ պայուսակ։

Ամանորին ընտրեք տոնական նվերներ, ինչպիսիք են ամանորյա հավաքածուների զարդերը կամ տաք ձմեռային շարֆերը։

Դեռահասների համար

Նորաձև զարդերը, ինչպիսիք են ապարանջանները կամ վզնոցները, տեխնոլոգիական սարքերը, ինչպիսին է օրինակ՝ սմարթ ժամացույցը կամ ականջակալը։ Ցանկում կարելի է ներառել նաև համակարգչի պայուսակը և գրիչը։

Երեխաների համար

Մանկական թևնոցներ՝ սիրելի հերոսներով կամ ժամացույցներ։

Մտածեք հետագա օգտագործման մասին

Շատ հաճախ նվերի սխալ ընտրության պատճառներից մեկը լինում այն, որ ընտրելիս ուշադրությունը մեծամասամբ կենտրոնացած է լինում նվերի տեսքի և ոչ թե կիրառելիության վրա։ Թեև ստեղծագործական կամ դեկորատիվ նվերները հիանալի են, բայց կարևոր է նաև մտածել նվերի գործնականության մասին: Արդյո՞ք ստացողը իրականում կօգտագործի այն: Գործնական նվերները հաճախ դիմանում են ժամանակի փորձությանը և մնայուն են մնում երկար տարիներ:

Ահա մի քանի գործնական նվերների տարբերակներ.

Զարդատուփ

Զարդատուփը գեղեցիկ և ֆունկցիոնալ տարբերակ է զարդերը կազմակերպված և կոկիկ պահելու համար։

Գրիչ

Նրանք, ովքեր սիրում են գրել կամ աշխատում են պրոֆեսիոնալ միջավայրում, պրեմիում գրիչը կարող է լինել համապատասխան նվեր:

Ակնոց

Արևային ակնոցը ևս նորաձև նվեր կլինի նրանց համար, ովքեր սիրում են ժամանակ անցկացնել դրսում, հաճախ ճամփորդել կամ ուղղակի կրել այն որպես սիրելի աքսեսուար։ Բարձրորակ մոդելը կարող է լրացնել ցանկացած տեսք՝ դարձնելով այն պարտադիր օգտագործման աքսեսուար, որը և՛ գեղեցիկ է, և՛ նորաձև։

Որակը կարևոր է քանակից

Երբ խոսքը վերաբերում է նվեր ընտրելուն, որակը շատ ավելի կարևոր է, քան քանակը: Մեկ բարձրորակ նվերը հաճախ ավելի բարձր է գնահատվում, քան մի քանի ավելի քիչ մտածված կամ ցածրորակ իրեր նվիրելը: Կենտրոնացեք ինչ-որ բան նվիրելու վրա, որը կծառայի է իր նպատակին և դրականը կպարգևի ստացողին։

Օրինակ՝ կաշվե դրամապանակը կամ որակյալ ժամացույցը կարող են մնայուն նվերի տարբերակ լինել։

Որակյալ նվերները նաև հարգանք են դրսևորում այն ստացողի նկատմամբ: Ընտրելով մի իր, որը համապատասխանում է նրանց նախասիրություններին, ոճին կամ ապրելակերպին, դուք ցույց եք տալիս, որ ժամանակ եք հատկացրել՝ մտածելու, թե ինչն իսկապես կուրախացնի նրանց:

Որակյալ նվերները արտացոլում են Ձեր հարգանքն ու վերաբերմունքը ստացողի հանդեպ, և դրանք վստահաբար մնայուն կմնան գալիք տարիների ընթացքում:

Խուսափեք չափն անցնելուց

Թեև բնական է, որ ցանկանում եք տպավորություն թողնել Ձեր նվերով, բայց նաև կարևոր է չափը չանցնել: Չափազանց շռայլ կամ թանկ նվերը կարող է հասցեատիրոջը անհարմարավետություն պատճառել, հատկապես, եթե նվերը չի համապատասխանում ձեր հարաբերությունների բնույթին:

Հիշեք՝ ավելի թանկ չի նշանակում ավելի լավ: Կարևոր է հաշվի առնել, թե ինչ հարաբերությունների մեջ եք տվյալ անձի հետ և ընտրել համապատասխան նվերի տարբերակ։

Ավելի կարևոր է դիտարկել հիշողություններ ստեղծող նվերներ, քանի որ

մտածված նվերը, որը կարտոցոլի Ձեր ուշադրությունը, հաճախ ավելի մեծ նշանակություն կունենա, քան շքեղ նվերը։

Մատուցեք նվերը գեղեցիկ

Նվերի փաթեթավորումը նույնքան մեծ նշանակություն ունի, որքան ճիշտ նվերի ընտրությունը։ Նվերը գնելիս ուշադիր եղեք, որ այն գեղեցիկ փաթեթավորված լինի: Ընտրեք փաթեթավորման թուղթ, որը համապատասխան կլինի առիթին։ Օրինակ՝ Ամանորին համապատասխան կլինի կարմիրի և կանաչի համադրությամբ փաթեթավորումը։

Գեղեցիկ կլինի նաև նվեր բոքսերով մատուցման տարբերակը կամ հետաքրքիր բացիկով մաղթանք կամ շնորհավորանք գրելը։ Եթե նվիրում եք Ամանորի, Մարտի 8-ի, ծննդյան կամ նմանատիպ առիթներով, ապա նվերին ցանկալի է կցել տոնը խորհրդանշող որևէ բացիկ՝ գեղեցիկ շարադրված մաղթանքով։

Այս ամենը ոչ միայն յուրօրինակ կդարձնի նվիրելու գործընթացը, այլ նաև նվեր ստացողին կհուշի, որ դուք ուշադիր եք եղել իր նվերի ընտրության և մատուցման հարցում:

Եթե այնուամենայնիվ դժվարանում եք նվեր ընրտել, ապա․․․

Երբեմն, նույնիսկ նվերը ստացողի նախասիրությունները, առիթը և այլ գործոններ հաշվի առնելուց հետո, դուք դեռ կարող եք անորոշ լինել, թե ինչ նվիրել: Նման դեպքերում նվեր քարտերը կարող են լինել իդեալական լուծում լինել, քանի որ կտան ազատություն ստացողին գնել իր նախընտրած նվերի տարբերակը։ Նվեր քարտերը հասանելի են տարբեր խանութներում՝ որտեղից և կարող եք ձեռք բերել կամ կարող եք նաև առցանց պատվիրել։

Նվեր քարտի հետ կարող եք նաև ավելացնել մի փոքր լրացուցիչ դետալ, օրինակ՝ փոքրիկ աքսեսուար կամ շոկոլադե տուփ՝ որպես գեղեցիկ մատուցման ժեստ։

Այսպիսով՝ ուսումնասիրելով այս ուղեցույցը վստահաբար նվերի ճիշտ ընտրություն կկատարեք։ Նվիրելիս ամենակարևորը դիմացինին դրական և հաճելի էմոցիաներ պարգևելն է։ Հաշվի առնելով այն ստացողի նախասիրությունները, առիթի նշանակությունը և նվերի գործնականությունը՝ դուք կարող եք հիշարժան և մնայուն նվեր նվիրել, իսկ գեղեցիկ փաթեթավորված, խնամքով ընտրված նվերը կստեղծի գեղեցիկ հիշողություններ և վստահաբար կգնահատվի։

Այս բոլոր նվերի տարբերակները հասանելի են TI’ME կայքում և խանութ-սրահներում, որոնք կարող եք ուսումնասիրել այստեղ։