Ինչպես բացահայտել կեղծ ժամացույցները. Խորհուրդներ և հնարքներ

Այսօր կեղծ ժամացույցներն այնքան օրիգինալ և լավ տեսք ունեն, որ գրեթե անհնար է տարբերել կեղծ ժամացույցը օրիգինալից։ Բրենդի հայտնիության ավելացման հետ, ավելանում է նաև կեղծ ժամացույցների քանակը, և շուկան այսօր լի է կեղծ ժամացույցներով։ Այդ իսկ պատճառով անչափ կարևոր է իմանալ թե ինչով են օրիգինալ, բրենդային ժամացույցները տարբերվում կեղծ ժամացույցներից։ 

Փաթեթավորում

Կեղծ ժամացույց բացահայտելու առաջին և ամենապարզ տարբերակը փաթեթավորումն է։ Օրիգինալ G-Shock ժամացույցները սովորաբար վաճառվում են որակյալ, թղթե տուփերում, բրենդի հստակ պիտակավորմամբ, լոգոյով և մոդելի վերաբերյալ համապատասխան ինֆորմացիայով։ Կեղծ ժամացույց արտադրող ընկերությունների տուփերին հաճախ կարող եք նկատել բրենդի անվան տառասխալ կամ տպագրության ցածր որակ։ Փաթեթավորման արտաքին տեսքից զատ, հարկավոր է ուշադրություն դարձնել նաև որակին և արտաքին տեսքին՝ թղթի կազմվածք, տպագրություն, ընդհանուր որակ և այլն։ Օրիգինալ ժամացույցները փաթեթավորված են նույնիսկ ամենափոքրիկ դետալների նկատմամբ ամենայն ուշադրությամբ։

Ժամացույցի մասեր

G-Shock օրիգինալ ժամացույցները հայտնի են իրենց երկարակեցությամբ և կայուն նյութերով։ Գնում կատարելիս, անհրաժեշտ է զգուշորեն ուսումնասիրել ժամացույցի մեխանիզմը և մասնիկները։ G-Shock կեղծ ժամացույցը օրիգինալից կարող է տարբերվել նաև քաշով, չափսերով կամ ընդհանուր կառուցվածքով։ Օրիգինալ G-Shock ժամացույցները տարբերվում են իրենց արտաքին տեսքով և օգտագործված նյութերի բարձրորակությամբ՝ չժանգոտվող պողպատ, պոլիմեր։ Ժամացույց գնելիս ուշադրություն դարձրեք նաև այնպիսի դետալների, ինպիսին են ոչ հավասար եզրերը, վատ ամրեցված դետալները կամ կոճակները։ Նմանատիպ հատկանիշները կեղծ ժամացույց բացահայտելու լավագույն տարբերակներից են։ 

Ուսումնասիրել ժամացույցի արտաքին տեսքը 

Կեղծ ժամացույց լինելու մասին, հուշում են նաև դրա արտաքին տեսքի մաս կազմող բաղադրիչները։ Գնելիս, նախ և առաջ, ուշադրություն դարձրեք թվատախտակի ցուցիչներին և ինդեքսներին։ Օրիգինալ G-Shock ժամացույցները ունեն հստակ և լավ մշակված ցուցիչներ։ Կեղծ ժամացույցները, որոնք չեն անցնում որակի վերհսկման այն մակարդակը, որոնք անցնում են օրիգինալ ժամացույցները, ունենում են ոչ ճշգրիտ և վատ մշակմամբ ցուցիչներ։ Այս ամենից զատ, հարկավոր է ուշադրություն դարձնել ժամացույցի վրա նշված թվերի և տառերի չափսերին։ Casio օրիգինալ ժամացույցները բոլորն ունեն միևնույն տառաչափն ու թվաչափը։

Կեղծ ժամացույցների դեմ պայքարելու համար, Casio ապրանքանիշը իր ժամացույցներում ներառում է հատուկ ֆունկցիոնալ՝ բացահայտելու համար կեղծ ժամացույց։ Հոլոգրաֆիկ նշաններ, լոգո, մոդելի հերթական համար կամ հավաքածուի համար․ բոլոր այս հատկանիշները նույնպես կարող են օգնել կեղծ ժամացույցի բացահայտման գործում։ Օրիգինալ G-Shock ժամացույցները երբեմն ունենում են նաև անհատական QR կոդեր։