Blush Lab Diamonds Ապրանքանիշի Մասին
2006 թվականին Նիդերլանդներում հիմնադրված Blush զարդեր արտադրող բրենդը հայտնի է ոլորտում իր յուրօրինակ ոսկյա զարդերով։ Ստեղծելով կանանց համար տարբերվող աքսեսուարներ Blush-ը ներկայացնում է 14K ոսկուց պատրաստված գեղեցիկ զարդեր՝ ուշադրություն դարձնելով նույնիսկ ամենափոքրիկ դետալներին։
2023 թվականից բրենդը պաշտոնապես ներկայացված է TI’ME ընկերության խանութ-սրահներում։ Չնայած նրան, որ ներկայացված տեսականին արդեն իսկ լի էր բազմատեսակ զարդերով, որոնք կարող են գոհացնել յուրաքանչյուր հաճախորդի, այն 2024 թվականի ամռանը համալրվեց նոր՝ լաբորատոր պայմաններում աճեցված ադամանդե զարդերով։
Լաբորատոր պայմաններում աճեցված ադամանդներն իրական հեղափոխություն են ոսկերչական ոլորտում։ Վերահսկվող պայմաններում ստեղծվող այս բյուրեղները կատարյալ այլընտրանք են բնական ճանապարհով ստեղծվող ադամանդներին։ Ստեղծվելով լաբորատոր պայմաններում՝ առաջադեմ տեխնոլոգիաների միջոցով, այս ադամանդները կրկնօրինակում են ադամանդի բնական ձևավորման գործընթացը: Կարծրությամբ, փայլով, բյուրեղի մաքրությամբ այս ադամանդները իրենց տեսքով չեն տարբերվում բնական ադամանդներից և փոխարենը ունեն մի շարք առավելություններ։
● Շրջակա միջավայրի համար պատասխանատու և սոցիալական առումով գիտակից սպառողների համար լաբորատոր պայմաններում աճեցված ադամանդե զարդերն ավելի նախընտրելի են։
● Լաբորատոր պայմաններում աճեցված ադամանդներն ավելի մատչելի են, սակայն իրենց քիմիական բաղադրությամբ չեն տարբերվում բնական ադամանդներից։ Սա հաճախորդներին թույլ է տալիս ընտրել ավելի մեծ ադամանդներ՝ իրենց բյուջեի սահմաններում:
● Լաբորատոր պայմաններում աճեցված ադամանդներն իրենց կարծրությամբ չեն զիջում բնական ադամանդներին։
● Լաբորատոր պայմաններում աճեցված ադամանդներից յուրաքանչյուրը եզակի է իր կառուցվածքով՝ պայմանավորված դրա ձևավորման գործընթացի փուլերով։
Այսպիսով Blush բրենդի lab-grown diamonds շարքն իսկական գտածո է գեղեցիկը, շքեղը, մատչելին և շրջակա միջավայրի պահպանությունը գնահատողների համար։
