Fossil Ապրանքանիշի Մասին
1984 թվականին հիմնադրվեց Fossil ամերիկյան բրենդը, որը մուտք գործեց նորաձևության և ժամագործության աշխարհ՝ առաջարկելու իր մոտեցումները, դիզայներական իր ուրույն լուծումներն ու իր ձեռագիրը։ Ոգեշնչվելով ամերիկյան համարձակ և ստեղծագործ մտքից՝ բրենդն առաջարկում է ժամացույցների, զարդերի և աքսեսուարների այնպիսի տեսականի, որը համատեղում է որակն ու մատչելիությունը։
Անգամ տարիներ անց, Fossil-ը հավատարիմ է այն սկզբունքներին, որոնք սահմանում են իր բրենդն ու անունը։ Վառ, նորարար, ստեղծագործ՝ հատկանիշներ, որոնք բնութագրում են Fossil-ը։ Բրենդն առաջարկում է ժամացույցներ և զարդեր, որոնք կարող են ընգծել յուրաքանչյուր խառնվածք ու տարբերվող անհատականություն։
Դասական վինտաժ՝ այսպես կարելի է բնորոշել Fossil բրենդի կանացի ժամացույցներից շատերը։ Ամերիկյան այս բրենդը կանացի ժամացույցներից յուրաքանչյուրը ստեղծել է յուրօրինակ դիզայնով՝ հատուկ նշանակություն և ուշադրություն սևեռելով դետալներին։ Վառ ու դասական գույներ, չկրկնվող ստեղծագործականություն՝ ամբոխից առանձնանալու և տարբերվելու համար։
Տղամարդկանց ժամացույցներ արտադրելիս բրենդը հատուկ ուշադրություն է դարձնում երկարակեցությանն ու որակյալ հումքին։ Սրանք ժամագործական ոլորտի այնպիսի նմուշներ են, որոնք արտացոլում են կրողի համարձակ բնավորությունը։
Fossil–ը քայլում է ժամանակին համընթաց և ներկայացնում է նաև սմարթ ժամացույցների տեսականի, որոնք համատեղում են ժամանակակից թրենդներն ու իրենց դասական ոճը։
Fossil բրենդը նորաձևության ոլորտում առաջարկում է նաև զարդերի լայն տեսականի՝ նախատեսված թե՛ կանանց, թե՛ տղամարդկանց համար։ Ուրույն ձեռագիր, գեղեցիկ փայլ ձեր ոճային տեսքն ավելի վառ ընգծելու համար։
Երաշխիքային պայմաններ
Fossil ապրանքանիշի ժամացույցների մեխանիզմի համար գործում է 2 տարվա երաշխիք, իսկ ժամացույցների մարտկոցների համար՝ 3ամիս։ Երաշխիքը չի գործում արտաքին վնասվածքների դեպքում։
