Նվերներ սիրո լեզվով

Ի՞նչ ընտրել Վալենտինին նրա համար

Սերն ամենամեծ արվեստն է, որն ամեն ոք արտահայտում է յուրովի, իսկ այն արտահայտելու տարբերակները շատ են՝ խոսքեր, ժեստեր, նվերներ։

Իսկ ի՞նչը կարող է ավելի լավ արտահայտել զգացմունքները, քան զարդերը, որոնք միշտ կլինեն նրա հետ՝ հիշեցնելով Ձեր սերը։

Այս բլոգում միասին կբացահայտենք, թե ինչպիսի զարդեր կարող են խոսել սիրո լեզվով` սիրո տոնին։

Թևնոց

Թևնոցները որպես նվեր միշտ առանձնանում են իրենց նրբագեղությամբ և յուրահատկությամբ։ Այս զարդն ավելի անձնական է, քանի որ Ձեր սիրելին միշտ կկրի այն իր ձեռքին՝ հիշելով Ձեր մասին ամեն վայրկյան։

Որպես վալենտինյան նվերի տարբերակ կարող եք դիտարկել անվանական թևնոց, սրտաձև քարով թևնոց կամ պարզապես նուրբ քարերով տարբերակ։

Նաև կարող եք թևնոցին ավելացնել տարատեսակ գույներով ու գրվածքներով կապողակներ (սիրո թեմատիկայով), որոնք կարտահայտեն Ձեր մտքերն առանց խոսելու։

Ականջօղ

Ականջօղերն անհրաժեշտ զարդ են յուրաքանչյուր կնոջ հավաքածուում, քանի որ էլեգանտ են և հարմար են ամենօրյա կրման համար։

Երբ խոսքը գնում է Վալենտինի տոնի մասին, ընտրությունը պետք է լինի այնքան նուրբ և յուրահատուկ որքան նա է։ Եթե նա նուրբ զարդերի սիրահար է, կարող եք դիտարկել ականջօղեր հետաքրքիր դիզայնով կամ մարգարտե քարերով, իսկ եթե նա նախընտրում է ավելի արտահայտիչ զարդեր, ապա նախապատվությունը տվեք գունավոր և փայլուն քարերով ականջօղերի, որոնք լրացուցիչ գույն և էներգիա կհաղորդեն նրա հավաքածուին։

Որպես վալենտինյան նվերի հիշեցում կարող եք դիտարկել նաև սրտաձև ականջօղի տարբերակը։

Մատանի

Մատանիները համարվում են նվիրվածության և սիրո խորհրդանիշներ։ Վալենտինի տոնին մատանի նվիրելով՝ դուք կարտահայտեք Ձեր զգացմունքներն առանց խոսքերի։

Որպես նվերի տարբերակ կարող եք դիտարկել դասական, նուրբ ոճով մատանի մի փոքրիկ քարով կամ ավելի մեծ ու աչքի ընկնող դիզայնով։ Եթե ցանկանում եք Ձեր նվերը դարձնել ավելի հետաքրքիր, կարելի է ընտրել անհատականացված մատանի՝ սիրելիի անվանատառով կամ ինչ-որ հատուկ բառերով, որոնք երկուսիդ համար մեծ նշանակություն ունեն։ Ըստ Ձեր սիրելիի նախասիրության՝ կարող եք դիտարկել ոսկյա, արծաթյա և ադամանդյա տարբերակները, որոնք իդեալական տարբերակներ կլինեն Ձեր սերն արտահայտելու համար։

Վզնոց

Վզնոցը պարզապես զարդ չէ, այն սիրո և ջերմության հավերժական արտահայտումն է, ինչն էլ այն դարձնում է Վալենտինի ամենակատարյալ նվերներից մեկը: Վզնոցն իդեալական ընտրություն է սիրելիին հիշեցնելու համար, թե որքան կարևոր է նա Ձեր կյանքում։ Տեսականու բազմազանության մեջ ճիշտ ընտություն կատարելու համար կարող եք ընտրել ոսկյա կամ արծաթյա տարբերակներ հետաքրքիր կախազարդով, օրինակ՝ սրտաձև քարով։

Յուրահատուկ դիզայնի սիրահարների համար կարող եք դիտարկել խոշոր քարերով կամ հատուկ, խորհրդանշական տարրերով վզնոցները։

Չարմ

Չարմը կարող է փոքրիկ, բայց նշանակալի նվեր լինել։ Յուրաքանչյուր չարմ պատմում է մի յուրօրինակ պատմություն՝ հիշեցնելով Ձեր հարաբերությունների կարևոր պահերը։

Ընտրեք այնպիսի չարմ, որը խորհրդանշական է․ օրինակ՝ սրտի տեսքով չարմ սիրո համար, անսահմանության տեսքով չարմ՝ նվիրվածության համար և այլն։

Չարմով թևնոցը ևս հիանալի տարբերակ է, որը կրելով և ամեն անգամ նոր չարմ ավելացնելով՝ նա կվերհիշի Ձեր հարաբերությունների գեղեցիկ պահերը։

Ինչպե՞ս գեղեցիկ մատուցել նվերը

Նվերի մատուցման եղանակը ևս շատ կարևոր է։ Այն նվերի հետ միասին կզարդարի Ձեր սիրո գեղեցիկ օրը։ Եթե ցանկանում եք, որ նվերը հիշարժան լինի, ուշադրություն դարձրեք և՛ փաթեթավորմանը, և՛ մատուցման ձևին։ Ստորև ներկայացնում ենք նվերի մատուցման հետաքրքիր տարբերակներ։

Էլեգանտ նվեր տուփ

Զարդերը նվիրեք նրբաճաշակ և գեղեցիկ ձևավորված նվեր տուփ մեջ։ Մատանիների, վզնոցների կամ թևնոցների փափուկ, թավշյա երեսպատված տուփը նվերն էլ ավելի առանձնահատուկ և օրիգինալ կդարձնի։ Դուք կարող եք նույնիսկ փոքրիկ բացիկ ավելացնել տուփի ներսում՝ արտահայտելով Ձեր զգացմունքները:

Օրիգինալ փաթեթավորում

Նվերների դասական փաթեթավորման փոխարեն օգտագործեք շքեղ կտորներ, ինչպիսիք են ատլասե կամ մետաքսե ժապավենները: Կարող եք նաև ընտրել թեմատիկ փաթաթեվորում՝ ներառելով կարմիր գույնը։ Կարճ հաղորդագրությամբ ձեռագիր բացիկ ավելացնելը ևս հետաքրքիր շունչ կհաղորդի նվերին։

Նվերի գեղեցիկ մատուցում

Տեղադրեք զարդերն իմաստալից տեղում, օրինակ՝ նրա սիրելի գրքի ներսում կամ ռոմանտիկ ընթրիքի ժամանակ դրեք այն ափսեի մեջ, որի շուրջը վարդի թերթիկներ կան: Դուք կարող եք նաև հետաքրքիր խաղ խաղալ, օրինակ՝ յուրաքանչյուր հուշումով նա կստանա տարբեր փոքրիկ նվերներ, որը, ի վերջո, կառաջնորդի նրան դեպի վերջնական անակնկալը:

Ավելացրեք բացիկ նվերի հետ

Նվերի հետ անձնական հաղորդագրությունը կարող է այն էլ ավելի իմաստալից դարձնել անկախ նրանից՝ դա ձեռագիր գրառում է, թե մտածված բանաստեղծություն։

Կարող եք նշել, թե ինչու եք ընտրել կոնկրետ այդ զարդը որպես նվեր և ինչպես է այն ներկայացնում Ձեր զգացմունքները նրա հանդեպ։

Ներառեք երաժշտություն

Նվիրեք Ձեր նվերը նրա սիրելի երգի կամ ռոմանտիկ մեղեդու ներքո։ Կարող եք օգտագործել հատուկ երգացանկ, որը ներառում է երգեր, որոնք կարևոր են Ձեր հարաբերությունների համար: Երաժշտությունը կստեղծի ռոմանտիկ տրամադրություն և ավելի հիշարժան կդարձնի պահը։

Անակնկալ հատուկ պահին

Նվերը մատուցեք այն ժամանակ, երբ նա դա ամենաքիչն է սպասում, օրինակ՝ տանը հարմարավետ երեկոյի, ռոմանտիկ ընթրիքի կամ բնության մեջ հանգստանալու ժամանակ: Կարևոր է հարմար պահ ընտրել, որը միանշանակ գեղեցիկ ակնթարթներ կավելացնի Ձեր սիրո պատմության մեջ։

Նվերը մատուցեք ադվենտային օրացույցով

Նվերին իմաստալից գույն հաղորդելու համար թաքցրեք այն հատուկ օրացույցի մեջ՝ Ձեր հարաբերությունների համար կարևոր լուսանկարներով և ամսաթվերով: Դուք կարող եք ստեղծել հետհաշվարկ, որը տանում է դեպի Վալենտինի օրը։ Ամեն օր՝ ըստ ամսաթվերի, նա կստանա գեղեցիկ նվերներ և անակնկալներ, որն էլ վստահաբար մնայուն հիշողություններ կստեղծի։

Այսպիսով՝ Վալենտինը սերը տոնելու բազմաթիվ հնարավորություններից մեկն է, իսկ զարդերն իդեալական տարբերակ են սիրո լեզվով խոսելու համար։ Յուրաքանչյուր մանրուք՝ սկսած փաթեթավորման ընտրությունից մինչև նվերի մատուցման պահը, ցույց կտա՝ որքան ուշադիր եք եղել նվերի ընտրության հարցում։ Մատուցեք Ձեր նվերը սիրով և այն հիշողություններով, որոնք երկուսիդ համար ամենակարևորն են։ Սիրե՛ք և եղե՛ք սիրված։

Ներկայացված նվերների լայն տեսականին հասանելի է TI’ME կայքում և խանութ-սրահներում, որոնք կարող եք ուսումնասիրել այստեղ։